Breve historia

OPHIUSA naceu o ano 1986, e desde os seus primeiros traballos evidenciouse como unha importante empresa audiovisual, das primeiras do País, tendo traballado para diversas institucións, entre as que destacan Televisión Española en Galicia, Televisión Galicia, Consellerías… pero tamén de xeito independente, editando e comercializando a colección “Videoteca de Galicia”. As súas producións en vídeo, sobre temas culturais, turísticos e educativos pasan do medio cento.

Como produtora-editorial ten figurado nos estudios bibliográficos españois como a cuarta empresa de España en produción de vídeo-libros.